Laen blong Vanuatu Red Cross Society itok emi hapi tumas long moni we gavman blong Qatar, wanpla kantri long Middle East i givim long helpim wok blong bringim sevis igo long ol pipal bihaenim tupla tropical saiklon Judy na Kevin em oli bin hamarim Vanuatu long 2023.
Gavaman blong Qatar, ibin givim despla moni long Qatar Red Cresent long baem fopla trak, ol wota tanks, sampla sola panels na wanpla generator long helpim ol pipal em oli bungim heve long despla tupla saiklon.
Vanuatu Red Cross Society itok, gavman blong Qatar ibin lukim ol heve em despla tupla saiklon ibin kamapim na emi bin tokim Vanuatu Red Cross olsem emi bin gat laik long wok wantem Vanuatu long helpim ol pipal.
Dickinson Tevi, Secretary General blong Vanuatu Red Cross itokim ABC olsem, Qatar ibin wokbung wantem Vanuatu Red Cross long sampla bikpla need we ol pipal i laikim.